عادات وتقاليد

ويسبق يوم العرس يوم "الحناء" وهي عادة تقليدية في الريف تصبغ فيها يدا الفتاة برسوم الحناء الجميلة وتكون لها حفلة بين أخواتها ورفيقاتها بصيغة الوداع لها فغدا ترحل إلى بيت زوجها وفي اليوم الثاني تذبح الذبائح ويحضر أهل البلدة لتناول طعام الغداء أو العشاء في بيت العريس في حين يتم إرسال اللحم والأرز واللبن والسمن إلى بيت العروس لإعداد الطعام الخاص بها وبأهلها ورفيقاتها ويتنوع الطعام المقدم في هذا اليوم حسب رغبة أهل العريس وفي المساء يتم تجهيز العروس من لباس وزينة لاستقبال العريس وأهله في حفل بهيج.
من الاهازيج الشعبية اللطيفة التي تُغنى في هذه الايام السعيدة:
عروس عروسة شيلي هالغطا وارميه
يلعن ابو هالغطا لابو السَعالك فيه
والوجه دويرة قمر والورد فتّح فيه
والصدر بستان لابن العم يطارد فيه
لأطلع ع راس التلّ وأظل أبكي
واقول يا فرقة الخلاّن ويلي شما اصعبك

والبنت تقول لامها .. يا إمي بدّي مية
عشرين من اهل البلد .. وعشرين غربية
وعشرين يجيبوا حطب .. وعشرين للمية
وعشرين يسحنوا الكحل لسود عينية
والبنت تقول لأمها .. والتمر مين جابيه
قالتلا كلي واشربي .. وشلكي بجلابيه
على الدربيني وعلى الدربيني .. السمرا يا روحي البيضا يا عيني
يمّا ويا يمّا ما بدي ياها .. ولو جابت مال الدنيه معاها
طلعوا للسمرة ما احلى ضناها .. ع ايدا صبي بيسوا مليونا
يما ويا يما بدي البيروتي .. الفلاح يقوللي اشتغلي لتموتي
البيروتي يقوللي ع المخزن فوتي .. نقيلك تخت حلو للنوما
بالله يا شمس الضحى لا تغيبي .. ضلي مشترفي ع حبابي دوما
طل القمر يا عمر من حارة الجورة .. يا بو ثلاث شامات ع الخدين منثورة
هات القلم والدواية لكتبلك صورة .. حبيبي بحبه وليش الناس مقهورة
شعرك سناسل ذهب تنزان في الميزان .. ما بين شعرة وشعرة نابت الريحان
يا ما ويا ياما شديلي مخداتي .. انا طلعت من الدار وما ودعت خياتي
انا طلعت من الدار وما ودعت جيراني .. وانا الغريبة سيلوا يا دميعاتي