الهواية : اللون المفضل لديك : الشراب المفضل : الآكلة المفصلة : لاعبك المفضل في الفريق الوطني : أختر ناديك المفصل : المزاج : MMS : الــــدولــــــــة : عدد المساهمات : 825 نقاط : 2442 تاريخ التسجيل : 01/09/2010 العمر : 28 العمل/الترفيه : الاعبة كرة القدم
موضوع: حوار مع الوطن الإثنين ديسمبر 20, 2010 11:33 am
حوار مع الوطن
ارد انه انشدك ياوطن جاوبني عن هالحاله يايوم تهده وتستقر جرحك غميج اشماله وانته الچنت مصدر فخر والكل تعرف افضاله واسمك عله فوگ الدول انته العزم وامثاله والنخوه طبعك والكرمْ بيك ارتقتْ احواله وخيرك سبگ كل الخلگ تاليهه هسه اوشالهه ********************* وماشفت هيچ انه وطن بس الــــحزن مواله وماشفت وبيوم الفرحْ تبچي وتحنْ اطفاله وماشفتْ بسمه ابهالوطن بـــــــس الدمع يبراله وشفتْ الوطن طايح يون مطعون صدره ابفاله وشفته يلوج امن الالم اتوّلتْ عليه نشّــــــــــاله ومن گرّبتْ ما صدگتْ هذا الوطن لو لاله مكتول راكع عالارض وابن الوطن چتاله وصد ليه بعيونه وغفه وعرفت ســـــر اقواله ******************* ******************* وگال اشفت چن ماشفت ارجوك هذا الگاله وگال الوطن ياولدي عامر يظل برجاله والنخوه والغيره ذخر بيهه الوطن يتلاله ومادام اكو نخوه بعد عالي يظل اهلاله انه العراق اشما طحتْ مايوم اصيرن عالــــه واتوسد اجروحي ابحزم واسحگ على الخيّاله ********************* ********************* حسبالهم ريعي گضه وگومي صفَتْ بطاله وحسبالهم ضاع الوطن مگطوعه كلهه اوصاله اشگد ما عليه اچالبو والحقد ظل يتواله ابقى انه شامخ للابد خل تعلم الدجّاله وخلهم اشگد ماحشمو سور الوطن ابطاله ياولدي ايموت الوطن لمن تموت افعاله وابقه انه ذاك الما گدر سيف الغدر يغتاله ****************** ****************** باسمي اني باعو واشترو والكل غدَتْ دلاله بس رادو اركع وانهزم والكل علي تتواله بس مادرو ماانثني رغم الدهر واهواله ومادرو جرحي شما كبر اكبر انه واتعالى ابقه انه ذاك انه الابو الماهجر يوم اعياله معذور يالعني ابتعد ولتظن نصير ازعاله مفتوح گلبي ابكل وكت والدخل بيه هنيــــــــــاله ********************* ********************* يبقى الوطن هو الحضن ويبقى البذل منواله اشگد ما هله عنه ابعدو يبقون همه اشبالـــــه وبالغرب يااحلى وطن عيــــن المحب همّــــــاله راياتك ابعز رفرفَتْ فوگ المجد جواله يخسه اليمسّكْ ياوطن كل احنه الك شيّاله ولو وگع حملك لو زلفْ كلنه نهـــــــب حمّـــــاله واليبتعد عنك غصبْ لتظن وطن يحلاله والعاش بديار الغرب لتظن بلد يحــــــلاله ***********************
الثلاثاء ديسمبر 29, 2015 5:34 pm من طرف abderezakghano
موضوع: حوار مع الوطن 
07-11-2008, 9:07 pm 
